Түгээмэл асуулт
Фонограм
Фонограм гэж юу вэ?
Дууны хоолойг нь салгаж, зөвхөн хөгжмийг нь үлдээсэн хувилбар. Өөрөө дуулахад дагалдуулна. Хөгжим.com таны хүсэлтээр таны сонгосон бичлэгээс хоолойг хиймэл оюун ухаанаар салгаж бэлтгэдэг.
«Фонограм» гэдгийг «панограм», «панаграм», «фанограм», «фонаграм», «панаграмм», «понограм», «понограмм», «фонаграмм», «пана» гэж бас бичдэг, латинаар panogram, panagram, fanogram, phonogram, panagramm, ponagram, ponagramm, ponogram, fonagram, pana. Бүгд нэг зүйл: дууны хоолойгүй хувилбар.
Moises, LALAL.AI, vocalremover.org зэрэг хэрэгслээс юугаараа ялгаатай вэ?
Хөгжим.com монгол хэлтэй, дууг монгол нэрээр нь хайгаад шууд бэлтгэдэг, төлбөрийг QPay-ээр төгрөгөөр, дуу бүрд нэг удаа авдаг (сарын захиалгагүй). Бөмбөр, басс, гитар зэрэг зэмсгийг тус тусад нь салгах бол гадаад хэрэгслүүд илүү олон боломжтой. Дэлгэрэнгүй: Хоолой салгагч хэрэгслүүдийн харьцуулалт.
Ямар форматаар татагдах вэ?
MP3, 320 kbps. Утас, компьютер, дууны аппарат бүгд тоглуулна.
Дууг хүлээлгүйгээр дундаас нь сонсож болох уу?
Болно. Тоглуулагчийн мөрөн дээр дарж эсвэл чирж дурын хэсгээс нь сонсоно. Хажууд нь одоогийн цаг харагдана.
Хоолой бүрэн арилаагүй эсвэл чанар муу байвал яах вэ?
Салгалтын чанар дуу бүрт өөр байдаг. Дууны хуудасны доод талын «Асуудал мэдэгдэх» хэсгээс «Хоолой үлдсэн байна» эсвэл «Чанар муу байна» гэснийг сонгож илгээнэ үү.
Утсандаа апп болгож суулгаж болох уу?
Болно. Суулгасны дараа нүүр дэлгэцээс апп шиг нээгдэнэ, тусад нь апп дэлгүүрээс татах шаардлагагүй.
Android (Chrome): хуудасны доод талын «Апп болгож суулгах» товчийг дарна. Товч харагдахгүй бол Chrome-ын цэс (⋮) → «Add to Home screen» / «Install app».
iPhone (Safari): доод талын «Share» товч → «Add to Home Screen».
Дуу хайх, бэлтгүүлэх
Дуугаа хаанаас хайдаг вэ?
Хайлт YouTube дээр хийгдэнэ. Дууны эсвэл уран бүтээлчийн нэрээ бичихэд YouTube-ээс олдсон бичлэгүүд гарна. Дууг сонгоод «Фонограм бэлтгэх» дарвал хиймэл оюун ухаан хоолойг нь салгаж 1–3 минутад фонограм бэлтгэнэ.
YouTube холбоосоор фонограм хийлгэж болох уу?
Болно. Нүүр хуудасны «YouTube холбоосоор» талбарт (эсвэл хайлтын хуудасны доорх талбарт) YouTube бичлэгийн холбоосыг (youtube.com/watch?v=…, youtu.be/…, shorts) тавиад «Фонограм бэлтгэх» дарна. Хайлтын талбарт холбоос тавьсан ч болно: товч нь «Фонограм бэлтгэх» болж өөрчлөгдөнө. Дууны хуудас нээгдэж, тэндээс фонограмыг нь бэлтгүүлнэ. 10 минутаас урт бичлэгийг бэлтгэх боломжгүй.
Өөрийн файлаас фонограм хийлгэж болох уу?
Болно. Нүүр хуудасны эсвэл хайлтын доорх «Өөрийн файлаас бэлтгэх» талбарыг дарж дууны (MP3, WAV, FLAC, M4A, AAC, OGG, OPUS, WMA, AIFF) эсвэл видео (MP4, MOV, MKV, WEBM, AVI …) файлаа сонгоно, компьютер дээр бол файлаа талбар руу чирж оруулж болно. Дараа нь «Фонограм бэлтгэх» дарна. 80 MB хүртэл, 10 минутаас богино файл болно. Дууны хуудас нээгдэж, тэнд оруулсан файлаа сонсож шалгаад фонограмаа бэлтгүүлнэ. Таны оруулсан файл жагсаалт, хайлтад гарахгүй: хуудсыг нь «Миний дуунууд»-аас эсвэл хаягаар нь нээнэ.
Өөрт байгаа дууныхаа өнгийг өөрчлөх, таслах боломжтой юу?
Болно, үнэгүй. Өнгө өөрчлөх хэрэгсэлд дуугаа (хоолойтой ч, фонограм ч болно) оруулж өнгийг нь дээш, доош болгоно: хурд нь өөрчлөгдөхгүй. Дуу таслах хэрэгсэлд дуугаа оруулж долгион дээр нь эхлэл, төгсгөлийн цэгээ тэмдэглээд илүү хэсгийг хасна. Хоёулаа MP3 (320 kbps)-аар татагдана. 5 минутын дууны өнгийг өөрчлөхөд 1 минут орчим, таслахад хэдхэн секунд болно. Таны файлыг боловсруулмагц устгадаг, бэлэн MP3 нэг цагийн дараа устна. Эдгээр хэрэгсэл хоолойг салгахгүй: хоолойгүй хувилбар хэрэгтэй бол Хоолой салгах-ыг ашиглана.
Дууг хэн татдаг вэ? Зохиогчийн эрх хэнд хамаатай вэ?
Бичлэгийг таны хүсэлтээр YouTube-ээс гуравдагч этгээдийн үйлчилгээгээр татна. Ямар бичлэг сонгох, түүнийг ашиглах эрхийн хариуцлага танд. Бид зөвхөн хиймэл оюун ухаанаар хоолой салгах багажийг ашиглуулдаг.
Фонограмыг дадлага хийх, хувийн хэрэгцээнд ашиглана уу. Олон нийтийн тоглолт, бичлэг, арилжааны зорилгоор ашиглах бол эрх эзэмшигчээс зөвшөөрөл авна.
Бэлтгүүлсэн фонограмаа дараа нь яаж олох вэ?
Дээд цэсний «Миний дуунууд»-д орно. Бэлтгүүлсэн болон өнгийг нь өөрчилсөн фонограмууд тань тэнд хадгалагдана. Жагсаалт зөвхөн тухайн утас, компьютерийн хөтөч дээр хадгалагдах тул хөтчийн түүхээ цэвэрлэвэл арилна.
Жагсаалтын дуунууд энэ сайтад хадгалагддаг уу?
Үгүй. Жагсаалт, дууны хуудас нь YouTube дээрх бичлэгүүдийг заадаг: дууны хуудсанд YouTube-ийн тоглуулагч байгаа бөгөөд «YouTube дээр нээх» холбоосоор шууд очиж сонсоно. «Фонограм бэлтгэх» дарахад таны хүсэлтээр хиймэл оюун ухаан тэр бичлэгийн хоолойг салгана. Өмнө нь хэн нэгэн бэлтгүүлсэн дуу бол хүлээлгүй шууд нээгдэнэ.
Ямар ямар дуу байгааг хаанаас харах вэ?
Нүүр хуудасны «YouTube-ээс дуу хайх» товчоор дууны жагсаалт руу орно: алдартай монгол дуунууд, алдартай нь эхэндээ. Дуун дээр дарахад YouTube дээрх бичлэг нь нээгдэнэ, сонсоод «Фонограм бэлтгэх» дарна. Дууны хуудсан дээрх уран бүтээлчийн нэр дээр дарвал тухайн уран бүтээлчийн бүх дуу (хамтарсан дуунуудтай нь) гарна. Жагсаалтад байхгүй дууг, гадаад дууг хайлтаар хайж олно.
Хүүхдийн дуу (цэцэрлэг, сургуулийн арга хэмжээ), баяр ёслолын дуу, бүжгийн аяыг тусад нь сэдвээр нь харж болно: Хүүхдийн дуу, Баяр ёслолын дуу, Бүжгийн ая.
«Эхлээд дууг сонсох» товч юунд хэрэгтэй вэ?
Нэг дуу олон хувилбартай байдаг. Фонограм бэлтгүүлэхээс өмнө хоолойтой эх хувилбарыг (эхний 60 секунд) сонсож, яг хайсан дуу тань мөн эсэхийг шалгана. Мөн бол «Фонограм бэлтгэх» дарна.
Бэлтгэх боломжгүй гэж гарвал?
10 минутаас урт дуу болон зарим бичлэгийг бэлтгэх боломжгүй. Хайлтаар тэр дууны өөр хувилбарыг сонгож үзээрэй.
Өдөрт хэдэн дуу захиалж, татаж болох вэ?
Үйлчилгээг тогтвортой байлгахын тулд нэг өдөрт 10 шинэ фонограм захиалж, 30 удаа татах боломжтой.
Хоолойг нь салгуулсан дуугаа өөр утас, компьютерээс яаж татах вэ?
«Миний дуунууд» хуудсанд «Google-ээр нэвтрэх» дарна. Нэвтэрсэн төхөөрөмж бүр дээр таны хоолойг нь салгуулсан дуунууд харагдаж, дахин татах боломжтой. Төлбөр хийсэн төхөөрөмж дээрээ мөн нэг удаа нэвтэрнэ үү: тэгвэл тэр төхөөрөмж дээр салгуулсан дуунууд бүртгэлд тань нэгдэнэ. Хамтын компьютер дээр ажилласны дараа «Гарах» дарна уу.
Өнгө ба тайралт
Ямар үнэгүй хэрэгслүүд байдаг вэ?
Өөрт байгаа дуугаа оруулж ашиглах хэрэгслүүд: хоолой салгах (дууны хоолой, үгийг арилгаж фонограм, караоке бэлтгэх), өнгө өөрчлөх (хурдыг нь өөрчлөхгүйгээр өндөр, нам болгох), дуу таслах (эхлэл, төгсгөлийг тасалж богиносгох, рингтон хийх), дуу эвлүүлэх (олон дууг нийлүүлж, давхарлаж медлей хийх). Хэрэгсэл бүрийн хуудсанд хэрхэн ашиглах заавар, түгээмэл асуултын хариулт бий.
Өнгө гэж юу вэ? Яаж тааруулах вэ?
Өнгө гэдэг нь дууны өндөр, нам. Эх дууг дуулсан хүний хоолойд таарсан өнгө танд өндөр эсвэл нам байж болно. Дуулахад хоолой хүрэхгүй өндөр байвал «−» дарж намсгаж, хэт нам байвал «+» дарж өндөрсгөнө. −6-аас +6 хүртэл өөрчилж болно, дууны хурд өөрчлөгдөхгүй.
1–2 алхам өөрчлөөд 45 секундын хэсгийг сонсож, хамт дуулж үзээд таарсан өнгөө сонгоорой.
Дууны эхэнд байгаа лого, яриа, илүү хэсгийг яаж хасах вэ?
Бэлэн фонограмын хуудсанд «Эхлэл, төгсгөлийг тайрах» хэсгийг нээнэ. Дууны долгион харагдана: намхан хэсэг нь чимээгүй эсвэл сул дуутай хэсэг. Долгион дээр дарж сонсоод, эхлэх цэг дээрээ «Эхлэл энд», дуусах цэг дээрээ «Төгсгөл энд» дарна. Дараа нь «MP3 татах» товч тайрсан хувилбарыг өгнө.
Шуугиан арилгах
Бичлэгийн шуугианыг яаж арилгах вэ?
Шуугиан арилгах хуудсанд яриа, дуу эсвэл видео бичлэгээ оруулна. Хиймэл оюун ухаан хоолойг ялгаж сэнс, хөргөгч, гудамжны чимээ, «шшш» шуугианыг арилгана. Шуугиан их бол «Хүчтэй» горимыг сонгоорой.
Шуугиан арилгах үнэ хэд вэ?
30 секундээс богино бичлэгийг өдөрт 5 удаа үнэгүй цэвэрлэнэ. Урт бичлэгийн 30 секундыг өмнө, дараа нь харьцуулж үнэгүй сонсоод, таалагдвал төлнө: 10 минут хүртэл 3,900₮, 20 минут хүртэл 7,900₮. Төлбөртэй бичлэгийн тоо хязгааргүй. Бэлэн файлыг 7 хоног татна.
Урт бичлэгийг яаж цэвэрлэдэг вэ?
4 минутаас богино бичлэгийг шууд бүтнээр нь цэвэрлэх тул төлмөгц татна. Түүнээс урт бол дундаас нь 30 секундыг цэвэрлэж сонсгоно, төлсний дараа бүтнээр нь цэвэрлэнэ (хэдэн минут болно).
Token
Token гэж юу вэ?
Google-ээр нэвтэрсэн хүн token багц худалдаж аваад фонограм татах, шуугиан арилгах, AI дуу бүтээхэд QPay-ээр дахин дахин төлөхгүй, нэг товчоор төлнө. 1 token = 100₮, том багцад урамшуулалтай (5,000₮ → 50 token, 10,000₮ → 110 token, 20,000₮ → 240 token). Token-ы хугацаа дуусахгүй.
Үйлчилгээ бүтэлгүйтвэл token буцах уу?
Тийм. AI дуу эсвэл шуугиан арилгалт бүтэлгүйтвэл зарцуулсан token автоматаар таны үлдэгдэлд буцна.
AI дуу бүтээгч
AI-аар дуу яаж бүтээх вэ?
AI дуу бүтээх хуудсанд дууныхаа үгийг бичнэ, эсвэл «AI-аар үг бичүүлэх» дээр дуу юуны тухай болохыг бичээд үнэгүй үг бичүүлнэ. Дараа нь дууны урсгал (поп, нийтийн дуу, ардын рок, хип хоп …), сэтгэл хөдлөл, хөгжмийн зэмсэг (морин хуур, ятга, лимбэ, хөөмий … эсвэл «AI өөрөө сонгоно»), хэмнэл (BPM), эрэгтэй эсвэл эмэгтэй дуучин, уртаа сонгоод QPay-ээр төлнө. Хиймэл оюун ухаан таны үгээр хөгжим, хоолойтой бүтэн дуу бүтээж, ихэвчлэн 1–3 минутад MP3 болгоно. Дэлгэрэнгүйг AI-аар дуу хэрхэн зохиох вэ? заавраас үзээрэй.
Дууны үгээ өөрөө яаж бичих вэ?
Гол санаагаа богино дахилтад багтааж, 2–3 бадагт дурсамж, түүхээ өгүүлнэ. Мөрүүдээ ойролцоо урттай, толгой холбож бичвэл дуулахад уянгалаг болно. Алхам алхмаар нь Дууны үг хэрхэн бичих вэ? заавраас үзээрэй.
Pro, Ultra хоёр юугаараа ялгаатай вэ?
Хоёулаа нэг дуу бүтээнэ. Pro нь хямд, Ultra нь монгол дуудлага илүү зөв, хөгжим илүү тод, цэвэр сонсогдоно. Үнэ нь хуудсан дээр харагдана. Бүтээсэн дуугаа Хөгжим.com-ийн нийтийн «AI дуунууд» хэсэгт нийтлэхийг зөвшөөрвөл хямдарна.
Бүтээсэн дуугаа хаанаас сонсох вэ?
Төлбөр ормогц дууны тань хуудас нээгдэж, бүтээгдэж буй явц харагдана (ихэвчлэн 1–3 минут). Бэлэн болмогц тэнд хувилбаруудаа тоглуулж, дууны үгийг уншиж, MP3-аар татна. Хуудсыг хаасан ч дуу тань бүтээгдсээр байх бөгөөд AI дуу бүтээх хуудасны «Миний AI дуунууд»-аас дахин нээнэ. Нийтэлсэн дуунууд AI дуунууд хэсэгт гарна.
Бүтээсэн дуугаа юунд ашиглаж болох вэ?
Хувийн болон арилжааны зорилгоор (бичлэг, видео, тоглолт, сурталчилгаа) ашиглаж болно. Харин бусдын дууны үг, уран бүтээлчийн нэр, хоолойг дуурайлгахыг хориглоно. Дэлгэрэнгүйг Ашиглах нөхцөл-өөс уншина уу.
Дуу бүтээгдээгүй бол яах вэ?
Төлбөр төлсөн ч дуу бүтээгдээгүй бол төлбөрийг бүрэн буцаана: хуудсан дээр гарсан дугаартайгаа хамт бидэнд бичээрэй. Хиймэл оюун ухаан заримдаа үгийг бага зэрэг өөрөөр дуулдаг. Ийм үед дуу бүтээгдсэнд тооцогддог.
Дуу эвлүүлэгч
Эвлүүлгээ хадгалаад дараа нь үргэлжлүүлж болох уу?
Болно. Эвлүүлэгчийн дээд мөрөнд «Хадгалах» дараад Google-ээр нэвтэрнэ. Нэвтэрсэн бол засвар бүр автоматаар хадгалагдаж («Хадгалсан ✓»), аль ч утас, компьютероос «Миний төслүүд»-ээс нээгдэнэ. Хадгалсан эвлүүлэг сүүлд нээснээс хойш 365 хоног хадгалагдана.
Дуу эвлүүлэгч гэж юу вэ?
Дуу эвлүүлэх хэрэгсэлд олон дууг нэг дор нийлүүлж (медлей, бүжиг, тоглолтын хөгжим), хэрэггүй хэсгийг нь тасалж, хэд хэдэн дууг зэрэг давхарлаад (жишээ нь хөгжим дээр яриа) нэг файл болгон татна. Програм суулгах шаардлагагүй, утас, компьютер аль алинд нь ажиллана. Үнэгүй.
«Дуу нэмэх» дарахад дуунууд цагийн шугам дээр дараалан байрлана. Дууг чирж зөөнө, захаас нь чирж тайрна. Дундаас нь хэсэг хасах бол дууг сонгоод цагийн мөр дээр хасах хэсгийн эхэнд товшиж «Хуваах», төгсгөлд нь товшиж дахин «Хуваах» дарна: дундах хэсэг нь өөрөө сонгогдох тул «Устгах» дарахад болно, үлдсэн зайг «Зайг хаах» нийлүүлнэ. Давхарлах бол «+ Зам» дарж шинэ зам нээгээд дууг тийш нь чирнэ. Нэг зам дээрх хоёр дууны заагийн ⋈ товчоор (дуу сонгосон үед «Шилжилт»-ээс) «Шууд залгах» эсвэл «Уусгах»-ыг сонгоно: уусгавал 1–8 секундийн турш өмнөх дуу нь аажмаар багасч, дараагийнх нь нэмэгдэнэ (хоолойг нь салгуулсан дууны хоолой ч фонограмтайгаа хамт). Дуу бүрийн дууны хүч, эхлэлд аажмаар нэмэгдэх, төгсгөлд аажмаар багасах, Өнгийг тусад нь тохируулна. «Дуунуудын түвшинг тэнцүүлэх» нь өөр өөр бичлэгийн чанга, сулыг ойролцоо болгоно.
Хуудсан дээр сонсож буй нь татагдах файлтай адилхан. Өнгө өөрчилсөн хэсэг бэлтгэгдэх хүртэл хэдэн секунд эх өнгөөрөө тоглоно.
Гараар: Space тоглуулах/зогсоох, S хуваах, Delete устгах, Ctrl+Z буцаах, ← → сонгосон дууг зөөх. Гулсуулагч дээр ← → дарвал дууны хүч 1%-иар өөрчлөгдөнө.
Ямар файл оруулж болох вэ?
«Дуу нэмэх» → «Утас, компьютерээс» дарж дууны (MP3, WAV, FLAC, M4A, AAC, OGG, OPUS, WMA, AIFF) эсвэл видео (MP4, MOV, MKV, WEBM, AVI …) файлаа сонгоно, хэд хэдийг зэрэг сонгож болно. Видеоноос дууг нь авна. Нэг файл 80 MB хүртэл, 30 минутаас ихгүй. Нэг сүлжээнээс (IP хаягаас) оруулсан файлууд серверт нийт 3 ГБ хүртэл зай эзэлнэ (видео, WebM г.м. дуу болгосон хэмжээгээрээ; нэг эвлүүлэгт үүний тал). Хэтэрвэл хуудас хэлнэ: ашиглаагүй эвлүүлгийн файлууд 48 цагийн дараа устаж зай чөлөөлөгдөнө. Файлууд өөр өөр чанартай (44.1 кГц, 48 кГц г.м.) байсан ч хурд, өнгө нь өөрчлөгдөхгүй зөв нийлнэ. Файлыг ашиглах эрхийн хариуцлага танд.
Хоолойг нь салгуулсан дуугаа эвлүүлэгт ашиглаж болох уу?
Болно. «Дуу нэмэх» → «Миний хоолой салгасан дуунууд»-д хоолой салгах багажийн төлбөр төлж салгуулсан дуунууд тань л гарна. Дууны хуудасны «Эвлүүлэгчид нэмэх» холбоосоор ч нэмнэ. Хоолойг нь салгуулаагүй сангийн дууг эвлүүлэгт оруулах боломжгүй. Дуу сайтаас хасагдвал (жишээ нь эрх эзэмшигчийн хүсэлтээр) эвлүүлэгт ч ашиглах боломжгүй болно: тэр хэсэг «Энэ дуу одоогоор бэлэн биш байна.» гэж харагдах тул устгаад бусад дуугаа татна.
Дуу нь фонограм ба салгасан хоолой гэсэн хоёр замаар орж, хоолойн дууны хүчийг тусад нь тохируулна: «Фонограм» сонговол хоолой нь 0%-тай (сонсогдохгүй), «Хоолойтой» бол 100%-тай орно. Дараа нь хоолойг хүссэнээрээ нэмж, багасгаж болно. Зарим дуунд хоолой байхгүй байж болно: тэр үед зөвхөн фонограм нь орно.
Хэдэн дуу, хэр урт эвлүүлэг хийж болох вэ?
Нэг эвлүүлэгт 2 хүртэл дуу (хоолойг нь салгуулсан дуу хоолойтойгоо нэг дуу), 2 зам (зэрэг тоглох давхарга), 8 минут хүртэл урт. Нэг өдөрт 60 удаа бэлтгэж татна. Өнгө өөрчилсөн хэсгийг сонсоход сервер тусгай хувилбар бэлтгэдэг тул нэг өдөрт 300 хувилбар хүртэл: хязгаар дууссан ч татах файлд Өнгө нь зөв орно. Хязгаарт хүрвэл хуудас өөрөө хэлнэ. Илүү ихийг хийх бол эрх авна: 3,900₮-өөр 7 хоног эсвэл 9,900₮-өөр 30 хоног — 30 хүртэл дуу, 10 зам, 60 минут хүртэл, 2.0 GB хадгалах зай, WAV-аар татах, татах файл түрүүлж бэлтгэгдэнэ. Эрх идэвхтэй байхад дахин авбал хугацаа нь нэмэгдэнэ. Хоолой салгах багажийн төлбөр төлөхөд 24 цагийн эвлүүлгийн эрх бэлэгт нээгдэнэ: хэд хэдэн дуу авбал хоног нь нэмэгдэж, дуусах цаг нь дууны хуудас болон эвлүүлэгч дээр харагдана. Google-ээр нэвтэрсэн бол эрх бүх төхөөрөмж дээр хүчинтэй.
Эвлүүлэг, файлууд хэр удаан хадгалагдах вэ?
Эвлүүлэг тань энэ browser-т өөрөө хадгалагдана: хуудсаа хаагаад дахин нээхэд үргэлжлүүлнэ. Google-ээр нэвтэрвэл бүртгэлд тань хадгалагдаж, аль ч төхөөрөмжөөс «Миний төслүүд»-ээр нээгдэнэ. «Шинэ эвлүүлэг» дарвал цэвэрлэнэ. Оруулсан файлыг сүүлд ашигласнаас 48 цагийн дараа устгана: тэгвэл тэр дууг дахин оруулахыг хуудас сануулна. Дуун дээр дарж «Дахин оруулах»-аар тэр файлаа дахин сонговол (хоолойг нь салгуулсан дуу бол өөрөө дахин нэмэгдэнэ) байрлал, тайралт, тохиргоо нь хэвээр үлдэнэ. Бэлэн файл нэг цагийн дараа устах тул татаж аваад хадгалаарай. Таны файлууд жагсаалт, хайлтад гарахгүй, бусдад харагдахгүй.
MP3 эсвэл WAV, алийг нь сонгох вэ?
MP3 (320 kbps)-ыг утас, компьютер, дууны аппарат бүгд тоглуулна, файл нь жижиг (20 минут ≈ 45 MB). Ихэнхдээ энэ хангалттай. WAV (48 кГц, 24 бит) нь шахаагүй, хамгийн өндөр чанартай боловч файл нь том (20 минут ≈ 320 MB): дуу бичлэг, видео засварт цааш ашиглах бол сонгоорой. Бэлтгэхэд 5 минутын эвлүүлэг 15 секунд орчим, 20 минутынх 1 минут орчим болно (Өнгө өөрчилсөн хэсэг олон бол арай удаан).
Төлбөр
Яаж төлөх вэ?
Хайх, 45 секундын хэсгийг сонсох, өнгөө тааруулж сонсох нь үнэгүй. Фонограмыг татахдаа л хоолой салгах багажийн төлбөрийг төлнө: дууны хуудсанд «Фонограм татах» дарахад үнэ гарна. Хөгжим.com фонограм, дуу зардаггүй: төлбөр нь хоолой салгах багажийг ашигласны үйлчилгээний төлбөр бөгөөд дууны зохиогчийн эрх биш. Утаснаас бол банкаа сонгоход банкны апп нээгдэж төлбөр бэлэн болно; доор нь QPay-ийн QR код ч харагдана (өөр утсаар уншуулж болно). Компьютерээс бол дэлгэц дээрх QPay-ийн QR кодыг утасныхаа банкны аппаар уншуулна. Төлбөр баталгаажмагц хуудас өөрөө шинэчлэгдэж татах товч гарна.
Санд байхгүй дууг бэлтгүүлэх нь ч үнэгүй: бэлэн болсны дараа сонсож, өнгөө тааруулж үзээд таалагдвал л төлнө. Үнэ нь дуу бүрт ижил, чатаар тохиролцох шаардлагагүй.
Төлсөн фонограмаа дахин татаж болох уу?
Болно. Төлбөр хийсэн төхөөрөмж, browser-оосоо дууны хуудсыг дахин нээхэд татах товч шууд гарна. Өнгийг өөрчилж, тайрч дахин татахад нэмэлт төлбөргүй.
Төлбөр төлсөн ч татах товч гарахгүй байна.
Төлбөрийн хэсгийн «Төлсөн үү? Шалгах» дээр дарна уу: банкнаас мэдэгдэл хэдэн секунд хоцорч ирэх нь бий. Төлбөр хийсэн browser-оо ашиглаж байгаа эсэхээ шалгаад хуудсаа дахин ачаална уу. Өөр утас, өөр browser, эсвэл нууцлалтай цонхноос нээвэл төлбөр харагдахгүй (Google-ээр нэвтэрвэл харагдана). Тэгээд ч болохгүй бол дууны хуудасны «Асуудал мэдэгдэх» хэсгээс «Бусад»-ыг сонгож бичнэ үү.
Ашиглалт
Фонограмыг тоглолт, бичлэгт ашиглаж болох уу?
Дадлага хийх, хувийн хэрэгцээнд ашиглана уу. Олон нийтийн тоглолт, бичлэг, нэвтрүүлэг, арилжааны зорилгоор ашиглах бол эрх эзэмшигчээс зөвшөөрөл авах үүрэг хэрэглэгч танд байна. Дэлгэрэнгүйг Ашиглах нөхцөл-өөс үзнэ үү.
Шинэ мэдээ хаанаас харах вэ? Яаж холбогдох вэ?
Шинэ боломж, мэдээг манай Facebook хуудаснаас харна уу. Асуулт, саналаа тэнд мессежээр бичиж болно. Тодорхой дууны талаарх асуудлыг дууны хуудасны «Асуудал мэдэгдэх» хэсгээс илгээвэл хурдан шийдэгдэнэ.